Вингер Лерой Сане "Бавария" билан шартномасини узайтириш ёки узайтирмаслик борасида ҳали бир қарорга келмаган. Bild нашрининг хабарига кўра, 27 ёшли футболчи 2024 йилги Европа чемпионати якунига қадар кутиб, кейин келажаги ҳақида қарор қабул қилмоқчи.

Саненинг амалдаги шартномаси 2025 йилнинг ўрталарига қадар амал қилади; миш-мишлар футболчининг Англия чемпионатига қайтиши мумкинлиги билан боғламоқда. Лерой аввалроқ “Манчестер Сити” сафида АПЛда ўйнаган.

Transfermarkt портали Лерой Санени 80 миллион еврога баҳоламоқда. Жорий мавсумда германиялик футболчи 24 та ўйинда майдонга тушиб, 9 та гол урди ва 9 та голли узатмани амалга оширди.