"ПСЖ" ярим ҳимоячиси Карлос Солер жорий мавсум охиригача жамоасида қолади. Инсайдер Фабрис Хокинз берган маълумотларга кўра, испаниялик футболчи ушбу трансфер ойнасида парижликларни тарк этмайди.
Солер аввалроқ бу мавсумдаги ўйин вақтидан норози эди. 27 ёшли ярим ҳимоячи Франция чемпионатида атиги 447 дақиқа ўйнади, бу эса футболчига тўғри келмайди. Ла Лига клублари Карлосга қизиқиш билдиришди, аммо "ПСЖ" раҳбариятининг позицияси туфайли январда шартномани якунлаш деярли имконсиз бўлади.
Эслатиб ўтамиз, Солер Парижга 2022 йилнинг ёзида "Валенсия"дан кўчиб ўтганди. Ярим ҳимоячи Лига 1нинг жорий мавсумида битта гол ва иккита голли узатмага эга.
