"PSJ" yarim himoyachisi Karlos Soler joriy mavsum oxirigacha jamoasida qoladi. Insayder Fabris Xokinz bergan ma’lumotlarga ko‘ra, ispaniyalik futbolchi ushbu transfer oynasida parijliklarni tark etmaydi.
Soler avvalroq bu mavsumdagi o‘yin vaqtidan norozi edi. 27 yoshli yarim himoyachi Fransiya chempionatida atigi 447 daqiqa o‘ynadi, bu esa futbolchiga to‘g‘ri kelmaydi. La Liga klublari Karlosga qiziqish bildirishdi, ammo "PSJ" rahbariyatining pozisiyasi tufayli yanvarda shartnomani yakunlash deyarli imkonsiz bo‘ladi.
Eslatib o‘tamiz, Soler Parijga 2022 yilning yozida "Valensiya"dan ko‘chib o‘tgandi. Yarim himoyachi Liga 1ning joriy mavsumida bitta gol va ikkita golli uzatmaga ega.