Луис Суареснинг трансфери "Ливерпуль" тарихидаги энг яхши қишки трансфер сифатида тан олинди.
"Қизиллар" ҳужумчи билан 2011 йилнинг январида шартнома имзолаганди. “Ливерпуль” уругвайлик футболчини “Аякс”дан 22,7 миллион фунтга сотиб олди. ESPN нашри хабарига кўра, бу "қизиллар" тарихидаги энг яхши қишки трансфер бўлди.
Энг яхши учта трансфер қуйидагича кўриниш олди:
1. Луис Суарес - 2011 йилнинг январида "Аякс"дан 22,7 миллион фунт стерлингга;
2. Виржил ван Дейк – “Саутгемптон”дан 2018 йилнинг январида 75 миллион фунт стерлингга;
3. Филиппе Коутиньо - 2013 йилнинг январида "Интер"дан 8,5 миллион фунт стерлингга.
Энг ёмон трансферлар рейтинги қуйидагича кўриниш олди:
1. Энди Кэрролл – 2011 йил январида “Ньюкасл”дан 35 миллион фунт стерлингга;
2. Ян Кромкамп - 2006 йил январидаги алмашув натижасида "Вильярреал"дан;
3. Озан Кабак – 2021 йилнинг февралида “Шальке”дан ижарага.
