Барча ишнинг бошланиши бироз мураккаб бўлиши табиий ҳол. Шунинг учун бўлса керак, “Футбол Заковати” танловининг биринчи ўйини иштирокчиларини танлаб олиш ва уларни гуруҳларга тақсимлаш бироз чўзилди. Бунинг учун узр сўраймиз.

Кеча, душанба куни ўтказилган “Онлайн викторина” якунига кўра, дастлабки 1-47-ўринни олган иштирокчилар янги танловда иштирок этиш ҳақидаги тасдиқни билдиришлари ва ҳар эҳтимолга қарши 48-83-ўринни олганлар ҳам захира сифатида ўз хоҳишларини билдиришларини сўрагандик. Бунинг учун иштирокчиларга бир сутка вақт берилди. Қувонарли томони, 47 иштирокчидан 42 нафари мусобақада иштирок этишга тайёр эканини билдирди. Шунингдек, 48-83-ўринни эгаллаган мухлислар орасидан 9 нафари “Футбол Заковати”да қатнашиш истагини билдирдилар. Демак, 51 нафар иштирокчига танловда иштирок этиш ҳуқуқи берилди.

Гуруҳ босқичига йўлланмани қўлга киритган иштирокчилар 8 та гуруҳга бўлиб чиқилди. Гуруҳларга бўлишда турли тушунмовчиликларни олдини олиш учун ҳеч қандай қуръа ўтказмасдан, мухлисларнинг саралаш босқичи натижалари бўйича тузилган рейтинг жадвалига қараб кетма-кетликда автоматик жойлаштириб чиқилди. Гуруҳлар билан танишинг:

“Футбол Заковати” лойиҳаси раҳбари Хушнудбек Худойбердиевнинг маълумот беришича, ўйинлар 5 февраль, сешанба куни бошланади. Режага кўра, ўйинлар ҳар ҳафтанинг сешанба ва чоршанба кунлари ўтказилади. Ўйинлар соат 20:00да бошланади. Бир кунда 2та гуруҳ ўйини ўтказилади. Демак, 5 февраль куни соат 20:00да “А” гуруҳи, 21:00да эса “В” гуруҳи ўйинлари бўлиб ўтади. “С” ва “D” гуруҳи ўйинлари 6 февраль куни ўтказилади. Қолган 4та гуруҳ ўйинлари эса 12-13 февраль кунларига режалаштирилган. Ярим финаллар 19-20 февраль кунлари, финал эса 26 февраль куни бўлиб ўтади.

Барчага омад тилаймиз!

Қуйида берилаётган саҳифалар билан танишиб чиқишингизни сўраймиз.
1. “Футбол Заковати” танлови низоми
2. “Футбол Заковати” танлови саҳифаси
3. Гуруҳ номини босиш орқали ўйин бўладиган саҳифага ўтиш мумкин. Мисол учун: “А” гуруҳи ўйини.