"Челси" ярим ҳимоячи Aндрей Сантосни "Ноттингем Форест"дан қайтаришга қарор қилди.
"Ўрмончилар" бразилияликни 2023 йил август ойида жорий мавсум охиригача ижарага олганди, аммо у таркибда ўрин топа олмади.
Мавсумнинг биринчи ярмида футболчи фақат икки марта майдонга тушди.
Standart маълумотларига кўра, "Челси" январь ойида 19 ёшли таянч ярим ҳимоячисини ижарадан қайтариб олмоқчи.
Aндрей Сантос 2023 йил бошида "Челси"га Бразилиянинг "Васко да Гама"сидан 12,5 миллион еврога ўтганди.
Миш - мишларга кўра, "Барселона" ёш футболчига қизиқиш билдирмоқда.
