Ҳужумчи Эдди Нкетиа қишки трансфер ойнасида “Арсенал”ни тарк этиши мумкин.
24 ёшли футболчига "Кристал Пэлас" қизиқиш билдирмоқда. Шу билан бирга, "канонирлар" унинг ўрнига бошқа ўйинчи олган тақдирдагина форвард билан хайрлашиш имкониятини кўриб чиқади. Акс ҳолда, "Арсенал" Нкетия бўйича таклифларни кўриб чиқмайди.
2023/2024 йилги мавсумда Эдди Нкетиа "Арсенал"нинг 26 та ўйинида қатнашган. Уларда ҳужумчи олтита гол урди ва шерикларига тўртта голли узатмани амалга оширди.
Эслатиб ўтамиз, Transfermarkt портали Эдди Нкетияни 35 миллион еврога баҳоламоқда.
