"Боруссия Дортмунд" ва "Манчестер Юнайтед" Жейдон Санчонинг ижараси бўйича музокараларни давом эттирмоқда.
Маълумки, англиялик футболчи аллақачон Дортмундга қайтишга рози бўлган. Журналист Флориан Плеттенбергнинг янгиланган маълумотларига кўра, клублар ҳали ҳам баъзи тафсилотларни, жумладан, кейинги сотиб олиш варианти ва унинг шартларини ҳал қилишлари керак.
Ушбу банд ижара шартномасига киритиладими ёки йўқми, ҳозирча маълум эмас. Aввал хабар қилинганидек, «Манчестер Юнайтед» Жейдон Санчо «Боруссия» Дортмундда бўлган вақтида унинг маошининг асосий қисмини тўлашда давом этади.
