"Атлетико" ҳужумчиси Альваро Мората "Жирона"дан учралган мағлубиятдан сўнг журналистлар саволларига жавоб берди.
31 ёшли футболчи хет-трик қайд этди, бироқ жамоасини мағлубиятдан қутулиб қолишга ёрдам бермади (3:4).
"Биз давом этишимиз керак. Олдинда Ла Лига ва бошқа турнирларда ҳали кўп ўйинлар бор. Бу футбол. Бугун биз мағлуб бўлдик - бошқа ҳеч нарса муҳим эмас. Биз бир жамоамиз, мен хет-трик ҳақида кўп ўйламайман. Мен ҳам барчамиз каби ғалаба қозонишни хоҳлардим, лекин бу амалга ошмади", - деди Мората Mundo Deportivo билан суҳбатда.
Эслатиб ўтамиз, бугунги хет-трик испаниялик ҳужумчининг "Атлетико"даги биринчиси, шунингдек, 2017 йилдан бери Ла Лигадаги биринчиси бўлди.
