"Милан" Стефано Пиоли учун фақат битта муносиб ўринбосарни кўрмоқда.

Жорий мавсумда ОАВ Пиолининг четлатилиши мумкинлиги ҳақида бир неча бор хабар берган, бироқ “россонерилар” раҳбарияти бош мураббийни мавсум тугагунига қадар истеъфога чиқариш ниятида эмас.

Бундан ташқари, Sportitalia нашри хабарига кўра, миланликлар Антонио Конте билан келишувга эриша олсагина, ёзда ҳозирги мураббийи билан хайрлашишга тайёр бўлади.

Бошқа барча номзодлар мавжуд эмас ёки клуб раҳбарларини ишонтира олмайди. Антонио Конте 2023 йилнинг март ойида Лондоннинг "Тоттенхэм" клубини тарк этганидан бери ишсиз юрибди.