"Челси" ҳимоячи Тьяго Силва билан мавсум якунида, бразилиялик футболчининг меҳнат шартномаси тугаши билан хайрлашишга тайёр.
Бу ҳақда Football Insider нашрига таяниб, Transfer News Live хабар бермоқда. Манбага кўра, ҳимоячи аввалроқ ўйнаган "Флуминенсе" клуби Тьяго Силвага таклиф билан чиқишга тайёр.
Эътиборлиси, Силва кузда 40 ёшга тўлади. Умуман олганда, ҳимоячи “Челси” сафида 137 та расмий ўйин ўтказган.
Бразилиялик футболчида 6 та гол ва 4 та голли узатма бор. Эслатиб ўтамиз, “Челси” айни дамда Aнглия Премьер-лигаси турнир жадвалида ўнинчи ўринда бормоқда.
