Францияда Неймарнинг «Барселона»дан «ПСЖ»га рекорд даражадаги трансфери бўйича тергов бошланди.
Ушбу трансфер 2017 йилнинг ёзида амалга оширилган ва ҳали ҳам футбол тарихидаги рекорд бўлиб қолмоқда – бразилиялик учун 222 миллион евро тўланган.
Liberation маълумотларига кўра, «ПСЖ» трансферни амалга оширишда коррупцион схемадан фойдаланган бўлиши мумкин.
Aйбланувчилар Франция Aссамблеясининг собиқ вице-президенти Жером Ренсон ва «ПСЖ» собиқ директори Жан-Марсел Рибесдир.
Терговдаги далил судланувчилар ўртасидаги ёзишмалардир. Шундай қилиб, «ПСЖ» вакили клубдан ўйинлар ва бошқа чипталар эвазига Неймарнинг трансфери учун солиқ тўловларини камайтиришга эришган бўлиши мумкин. Неймар ҳозирда «Aл-Ҳилол» вакили.
