"Навбаҳор"ни 33 ёшли тажрибали ҳимоячи Игорь Голбан тарк этди. У энди "Насаф" шарафини ҳимоя қилади.

Голбан “Навбаҳор” таркибига 2018 йилнинг 2-даврасида қўшилиб, 2023 йил якунига қадар ўйнади.
“Лочинлар” таркибидаги 5,5 йиллик фаолияти давомида тажрибали футболчи Суперлига баҳсларида жами 134 та учрашувда майдонга тушиб, 8 та гол уриб, 3 та голга ассистентлик қилди.

Шунингдек, “Навбаҳор”даги ёрқин ўйинлари орқали Ўзбекистон миллий терма жамоасига чақирилди.
Ўтган мавсумда Игорь Голбан жамоа иштирокидаги барча беллашувлар, яъни, 39 та ўйинда майдонга тушиб, 3 та гол уриб, 1 та “пас” берди.

“Навбаҳор”нинг сўнгги йиллардаги муваффақиятларига тажрибали ҳимоячи муносиб ҳисса қўшди. Биз Игорь Голбанга “Навбаҳор”даги фаолияти учун клубимиз ва мухлислар номидан миннатдорчилик билдириб, янги жамоасида омад ёр бўлишини тилаймиз", - дейилади “Навбаҳор” ПФК матбуот хизмати хабарида.