Ҳужумчи Стивен Бергвейн Англия чемпионатига қайтиши мумкин. Ижтимоий тармоқлардаги таниқли инсайдер Фабрицио Романонинг сўзларига кўра, 26 ёшли Бергвейн "Вест Хэм"нинг трансфер мақсади ҳисобланади.
Қайд этилишича, Бергвейнга Саудия Арабистони клублари ҳам қизиқиш билдирмоқда. Агар яхши таклиф тушса, "Аякс" футболчини сотишга тайёр.
Эслатиб ўтамиз, Стивен Бергвейн аввалроқ Англияда "Тоттенхэм" сафида ўйнаган. Жорий мавсумни оладиган бўлсак, Бергвейн 20 та ўйин ўтказди. Уларда нидерландиялик футболчи саккизта гол урди ва шерикларига учта голли узатма берди.
Transfermarkt портали футболчини 20 миллион еврога баҳоламоқда.
