"ПСЖ"нинг 25 ёшли ҳужумчиси Килиан Мбаппе собиқ жамоадоши, "Интер Майами" ҳужумчиси Лионель Месси Франция клубида ўйнаганида дуч келган муаммо ҳақида гапирди.
"Месси ҳар қандай ҳурматга лойиқ. Ростини айтсам, Францияда у муносиб ҳурматга сазовор бўлмади", - деди Мбаппе Amazon Prime Sport билан суҳбатда.
Эслатиб ўтамиз, Месси 2023 йилнинг ёзида "ПСЖ"клубини тарк этиб, эркин агентга айланганди. Кўп ўтмай аргентиналик МЛС жамоасига ўтди. Мессининг "Интер Майами" билан шартномаси 2025 йилгача мўлжалланган. Ўтган мавсумда аргентиналик футболчи Америка клуби сафида 14 та ўйин ўтказиб, 11 та гол ва 5 та голли узатмага муаллифлик қилган. Футболчи "Интер Майами" билан Лига кубогини қўлга киритди.
