"Тоттенхэм" бош мураббийи Анге Постекоглу Тимо Вернернинг фаолиятини яна "жонлантириш"га тайёр.
27 ёшли футболчи "Лейпциг" жамоасидаги ўрнини йўқотди ва немис клуби аллақачон форварднинг бошқа жамоага кетиш ниятини тасдиқлаган.
Журналист Саймон Жонснинг сўзларига кўра, “Тоттенхэм” бош мураббийи Постекоглу Вернерни ўз тактикасига тўлиқ мос тушадиган футболчи деб ҳисоблайди: австралияликни немиснинг тезлиги, шунингдек, бир вақтнинг ўзида бир нечта ҳужум позицияларида ўйнай олиши ҳайратда қолдиради.
Жорий мавсумда Тимо Вернер “РБ Лейпциг” сафида барча турнирларда 14 та ўйинда майдонга тушиб, 2 та гол ва битта голли узатмага муаллифлик қилди.
