"Tottenxem" bosh murabbiyi Ange Postekoglu Timo Vernerning faoliyatini yana "jonlantirish"ga tayyor.
27 yoshli futbolchi "Leypsig" jamoasidagi o‘rnini yo‘qotdi va nemis klubi allaqachon forvardning boshqa jamoaga ketish niyatini tasdiqlagan.
Jurnalist Saymon Jonsning so‘zlariga ko‘ra, “Tottenxem” bosh murabbiyi Postekoglu Vernerni o‘z taktikasiga to‘liq mos tushadigan futbolchi deb hisoblaydi: avstraliyalikni nemisning tezligi, shuningdek, bir vaqtning o‘zida bir nechta hujum pozisiyalarida o‘ynay olishi hayratda qoldiradi.
Joriy mavsumda Timo Verner “RB Leypsig” safida barcha turnirlarda 14 ta o‘yinda maydonga tushib, 2 ta gol va bitta golli uzatmaga mualliflik qildi.