“Умм Салал” ҳужумчиси Анди Делор Қатар Юлдузлар кубоги финалида “Ал-Арабий”га қарши ўйинда (4:4, пенальтилар бўйича 3:1) ҳушини йўқотди.
32 ёшли футболчи ўйиннинг 6-дақиқасида гол урган бўлса, орадан 10 дақиқа ўтиб майсага йиқилиб, ҳушини йўқотди. Унга биринчи тиббий ёрдам кўрсатилди. Иккинчи бўлимда Делор жамоаси захира ўриндиғида ўтирди.
Форвард 2023 йилнинг ёзида “Умм Салал”га ўтган эди. Жорий мавсумда у Қатар олий лигасида 12 учрашувда майдонга тушиб, 5 гол ва 4 голли узатмага муаллифлик қилган.
Аввалроқ футболчи “Нант”, “Ницца”, “Монпелье”, “Тулуза” ва бошқа жамоаларда ўйнаган.
