"Жирона" сафар ўйинларидаги мағлубиятсиз сериясини узайтирди - Испанияда бошқа ҳеч кимда бундай узун серия йўқ.
Мичел Санчес шогирдлари Испания кубоги доирасида "Мартинес Валеро" стадионида "Эльче"ни мағлуб этишди.
Каталония клуби жорий мавсум сафарда 12 та ўйин ўтказди ва бирорта ҳам мағлубият аламини тотиб кўрмади. Унинг ҳисобида 10 ғалаба ва 2 дуранг ("Реал Сосьедад" ва "Реал Бетис" билан) бор.
"Жирона" - бу мавсумда меҳмонда мағлуб бўлмаган ягона Ла Лига жамоаси. “Реал” “Атлетико”га, “Барселона” “Шахтёр” ва “Антверпен”га имкониятни бой берди.
