"Барселона" бразилиялик ўсиб бораётган юлдуз Эстеван Виллианнинг трансферини якунламоқчи.
"Палмейрас"нинг 16 ёшли футболчиси кўплаб Европа гигантларининг радарида, аммо "блауграна" вингерни қўлга киритиш учун яққол фаворит ҳисобланади. Mundo Deportivo хабарига кўра, фақатгина молиявий қийинчиликлар "Барселона"га шартномани ёпишга тўсқинлик қилмоқда. Мессиньонинг ўзи бошқа "гигантлар" томонидан қизиқиш ортиб бораётганига қарамай, Каталония клубига ўтишга қарор қилди. "Палмейрас"га бошқа клубдан жуда фойдали таклиф тушсагина вазият ўзгариши мумкин.
Эстеван Виллианга даъвогарлар орасида “Манчестер Сити”, “Челси”, “Арсенал”, “Манчестер Юнайтед” ва “ПСЖ” клублари бор.
