"Ньюкасл" ҳимоячиси ва сардори Жамол Ласселлс фаолиятини турк клубида давом эттириши мумкин.
Daily Mail хабарига кўра, 30 ёшли футболчи "Бешиктош"нинг қисқа рўйхатидан жой олган.
Aйтиш жоизки, Лассллснинг “Ньюкасл” билан шартномаси шу йилнинг ёзида тугайди, шунинг учун турк клуби ёзги трансфер ойнасида футболчи билан текин трансфер борасида келишиб олиши мумкин. Жорий мавсумда Ласселлс барча турнирларни ҳисобга олган ҳолда 22 учрашувда қатнашиб, битта гол урди.
Нуфузли Трансфермаркт портали маълумотларига кўра, ҳимоячининг нархи етти миллион евро.
