"Nyukasl" himoyachisi va sardori Jamol Lassells faoliyatini turk klubida davom ettirishi mumkin.
Daily Mail xabariga ko‘ra, 30 yoshli futbolchi "Beshiktosh"ning qisqa ro‘yxatidan joy olgan.
Aytish joizki, Lassllsning “Nyukasl” bilan shartnomasi shu yilning yozida tugaydi, shuning uchun turk klubi yozgi transfer oynasida futbolchi bilan tekin transfer borasida kelishib olishi mumkin. Joriy mavsumda Lassells barcha turnirlarni hisobga olgan holda 22 uchrashuvda qatnashib, bitta gol urdi.
Nufuzli Transfermarkt portali ma’lumotlariga ko‘ra, himoyachining narxi yetti million yevro.
