“Рома” бош мураббийи Жозе Моуриньо келаси ёзда Италия клубини тарк этиши мумкин.

Бу ҳақда FootMercato хабар бермоқда. Эслатиб ўтамиз, A Сериянинг 19-туридан ўрин олган “Aталанта”га (1:1) қарши ўйиндан сўнг португалиялик мураббий ўз футболчиларига журналистлар билан мулоқот қилишни тақиқлаган эди.

Эслатиб ўтамиз, Моуриньо “Рома”ни 2021 йилдан бери бошқариб келмоқда. Унинг қўл остида Рим клуби Конференциялар Лигасида ғолиб чиқишга муваффақ бўлди.

Жорий Италия чемпионатининг 19-туридан кейин “Рома” 29 очко билан турнир жадвалида саккизинчи ўринда бормоқда.

Моуриньо шогирдлари навбатдаги ўйинни 14 январ куни “Милан”га қарши ўтказади.