Каталониянинг “Барселона” клуби бош мураббийи Хави Эрнандес “Барбастро” клубига қарши Испания кубоги ўйинида ярим ҳимоячи Жоау Феликснинг бекор қилинган голи ҳақида ўз фикрлари билан ўртоқлашди.
“Кўк-анорранглилар” 3:2 ҳисобида қийин ғалабага эришди. “Феликснинг бекор қилинган голи ўйинни қийинлаштирди. Менга тўп қоида бўйича киритилганини айтишди. Кубокда ВAР тизими мавжуд эмаслиги жуда ачинарли.
Бу мен учун ғалати, буни тушунолмаяпман", - дея мутахассиснинг сўзларини келтирмоқда Marca газетаси.
"Барселона"нинг навбатдаги ўйини Испания Суперкубогининг ½ финалида "Осасуна"га қарши бўлади. Учрашув 11-январ, пайшанба куни бўлиб ўтади.
