"Сепаҳон" ОФК Тартиб-интизом қўмитасининг "Ал Иттиҳад" фойдасига қабул қилган қарори юзасидан Лозаннадаги Спорт арбитраж судига расмий шикоят йўллаган.
Ҳозирда клуб раҳбарияти судда ютиб чиқиш учун италиялик спорт юристлари хизматидан фойдаланмоқда. Шунингдек, "Ал Ҳилал"га қарши нимчорак финал ўйинини "Нақши Жаҳон" стадионида ўтказиш ҳаракатлари ҳам бошлаб юборилган. Жумладан, тез орада ОФК вакиллари стадионни яна бир бор текширувдан ўтказиш учун Исфаҳонга етиб келишади.
"Сепаҳон"нинг Спорт арбитраж судигача чиққанини инобатга олсак, демак форслар ҳалигача араб пулларининг Лозаннагача етиб бормаслигига умид қилишмоқда.
