Ҳужумчи Жоау Феликс сентябрь ойидан бери "Барселона"да ижара асосида ўйнамоқда.

Daily Mail нашрининг хабар беришича, ижара муддати давомида Феликснинг маоши 900 фоизга ошган. Даставвал португалиялик футболчига "кўк-анорранглилар" молиявий қоидаларга мувофиқ футболчини рўйхатдан ўтказиши учун кичик маош тайинланганди. 2023/2024 йилги мавсумда Феликс "Барселона" сафида 22 та ўйинда майдонга тушган. Уларда португалиялик футболчи 6 та гол урди ва шериклари учун 3 та голли узатмани амалга оширди.

Айтиш жоизки, Жоау Феликснинг “Барселона” билан амалдаги шартномасида “Атлетико”дан сотиб олиш варианти мавжуд эмас.