"Женоа" футболчиси Раду Дрэгушин жорий мавсумни ажойиб ўтказмоқда.
21 ёшли руминиялик футболчининг потенциал трансфери январь ойининг биринчи кунларида энг кўп муҳокама қилинган мавзулардан бири ҳисобланади. "Тоттенхэм" яқин орада марказий ҳимоячи билан шартномани ёпиш ниятида; "Бавария", "Наполи" ва "Милан" ҳам футболчи учун курашмоқда.
Opta хабарига кўра, Дрэгушин жорий А Сериянинг 19 ўйинида атиги бир марта дриблингга алданган. Бу Европа топ-5 лигасида (камида 15 ўйин ўтказган ҳимоячилар орасида) “Ливерпуль” сардори Виржил ван Дейкдан кейинги иккинчи кўрсаткичдир. 2023/24 йилги Премьер-лигада нидерландиялик футболчи ҳали дриблингга алданмаган.
