Лиссабоннинг "Спортинг" клуби марказий ҳимоячиси Усмон Диомандега Европанинг топ клублари қизиқиш билдирмоқда.
Мадриднинг "Реал" клуби мавсум охиригача жароҳати туфайли сафдан чиққан Давид Алабадан сўнг ҳимоя марказида жиддий кадрлар муаммосини бошдан кечирмоқда. Fichajes хабарига кўра, "қироллик клуби" январь ойида Лондоннинг "Арсенал" ва "Челси" клублари ҳам даъвогарлик қилаётган 20 ёшли Диоманденинг трансферини амалга оширишга тайёр. Ивуарлик футболчининг шартномасида товон пули 80 миллион евро қилиб белгиланган, Transfermarkt эса футболчининг нархини 40 миллион еврога баҳолаган.
Усмон Диоманде жорий мавсум “Спортинг” сафида 21 та ўйинда майдонга тушиб, 2 та гол ва 1 та голли узатмага муаллифлик қилган.