Lissabonning "Sporting" klubi markaziy himoyachisi Usmon Diomandega Yevropaning top klublari qiziqish bildirmoqda.

Madridning "Real" klubi mavsum oxirigacha jarohati tufayli safdan chiqqan David Alabadan so‘ng himoya markazida jiddiy kadrlar muammosini boshdan kechirmoqda. Fichajes xabariga ko‘ra, "qirollik klubi" yanvar oyida Londonning "Arsenal" va "Chelsi" klublari ham da’vogarlik qilayotgan 20 yoshli Diomandening transferini amalga oshirishga tayyor. Ivuarlik futbolchining shartnomasida tovon puli 80 million yevro qilib belgilangan, Transfermarkt esa futbolchining narxini 40 million yevroga baholagan.

Usmon Diomande joriy mavsum “Sporting” safida 21 ta o‘yinda maydonga tushib, 2 ta gol va 1 ta golli uzatmaga mualliflik qilgan.