Испаниянинг COPE нашри ҳужумчи Килиан Мбаппенинг "Реал"га ўтиши мумкин бўлган янги маълумотларни тарқатди.
Аввалроқ кўплаб жаҳон ОАВлари испан клуби франциялик футболчининг келажаги ҳақида қарор қабул қилиш муддатини белгилаб қўйгани ҳақида хабар берган эди. Манбаларнинг таъкидлашича, Килианга фақат шу йилнинг январь ойи охиригача ўзи ўйнамоқчи бўлган клубни танлаши керак. COPE бу маълумотни рад этади. Нашрнинг ёзишича, "Реал" Мбаппе учун ҳеч қандай муддат белгиламаган, боз устига, яқинда у билан ҳеч қандай келишув тузишга уринмаган. Мадрид клуби "аукционларда" қатнашиш ва Мбаппени бошқа жамоалар билан шартнома имзолаш учун курашиш ниятида эмас.
Манба шунингдек, "Реал Мадрид"нинг позицияси шундай кўринадики, агар Мбаппе ўз клубига ўтишни истаса, франциялик футболчининг ўзи буни эълон қилиши ва испанларга ўз хизматларини таклиф қилиши керак. "Реал"га ўтаётганда Мбаппе ҳар қандай ҳолатда ҳам маошидан маҳрум бўлади, чунки "Қироллик клуби" унга форвард "ПСЖ"да оладиган даражада маош бермоқчи эмас.
