Мадриднинг “Aтлетико” клуби матбуот хизмати афсонавий немис футболчиси Франц Беккенбауэрнинг вафоти ҳақидаги хабарга изоҳ берди.
"Бавария"нинг собиқ футболчиси 78 ёшида вафот этди.
“Жаҳон футболининг афсонаси Франц Беккенбауэр бизни тарк этди. Бутун спортчилар оиласи унинг оиласи ва яқинларига ҳамдардлик билдиради.
Тинч ёт, афсона”, - дейилади Испания топ-клубининг ижтимоий тармоқлардаги хабарида.
Беккенбауэр футболчи сифатида “Бавария”, “Гамбург” ва Aмериканинг “Нью-Йорк Космос” клубларида ўйнаган.
Франц Германия терма жамоаси таркибида Европа ва жаҳон чемпионига айланди. У “Олтин тўп”ни ҳам қўлга киритди.
