"Ливерпуль" "ПСЖ" ҳужумчиси Килиан Мбаппе учун баҳсда "Реал"дан ўзиб кетишга ҳаракат қилмоқда.

Mundo Deportivo хабарига кўра, мерсисайдликлар 25 ёшли форварднинг эътиборини унинг ҳозирда дунёнинг энг кучли футбол чемпионати ҳисобланган Премьер-лигага ўтиши мумкинлигига қаратмоқда.

Бундан ташқари, “қизиллар” мисрлик ҳужумчи Муҳаммад Салоҳ кетганидан кейин Мбаппе жамоанинг асосий етакчисига айланишига ишонтирмоқда. Африкалик яқин келажакда Саудия Арабистонига бориши мумкин.

Килианнинг "ПСЖ" билан тузган меҳнат шартномаси шу йилнинг ёзига қадар амал қилади. Унинг трансфер қиймати 180 миллион еврога баҳоланмоқда.