"Барселона"нинг спорт директори Деку жамоа вингери Рафинья Диаснинг сотилишига тўсқинлик қилди. Sport.es нашри хабарига кўра, бразилиялик қишки трансфер ойнасида жамоани тарк этмайди.
"Барселона" раҳбарияти қарзларнинг бир қисмини қоплаш ва янги трансферларни молиялаштиришга қарор қилиш учун Рафиньяни сотиш вариантини кўриб чиқаётгани ҳақида аввалроқ хабар берилган эди.
Бироқ манбанинг таъкидлашича, Деку бразилияликнинг сотилишига тўсқинлик қилган. Эслатиб ўтамиз, аввал Деку Рафиньянинг агенти эди.