Дортмунднинг "Боруссия" клуби ярим ҳимоячиси Марко Ройс рафиқаси Скарлетт Хартманнинг яқинда фарзанд кўриши сабаб, "арилар" жой олган Испаниянинг Марбелья шаҳридаги базани эрта тарк этди. Бу ҳақда журналист Патрик Бергер ижтимоий тармоғида хабар берди.
Эслатиб ўтамиз, 34 ёшли футболчининг битта фарзанди бор. 2019 йилда Ройснинг Фрида исмли қизи туғилганди.
Жорий мавсумда "Боруссия" ярим ҳимоячиси барча мусобақаларда 22 та ўйинда қатнашиб, 5 та гол ва 3 та голли узатмани амалга оширди. Футболчининг клуб билан амалдаги шартномаси 2024 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 7 миллион еврони ташкил қилади.
