Мюнхеннинг "Бавария" клуби "Тоттенхэм" билан англиялик ҳимоячи Эрик Дайернинг трансферини муҳокама қилган, бироқ ҳозирча "шпорлар"га футболчини сотиб олиш бўйича расмий таклиф билан чиққани йўқ. Бу ҳақда таниқли журналист Флориан Плеттенберг ижтимоий тармоқ орқали хабар берди.

Манбага кўра, Дайерга яна 12 ойга узайтириш имконияти билан 2025 йилгача шартнома таклиф қилинади. "Тоттенхэм" футболчи учун 4 миллион евродан кам пул олади. Эрик Дайер 2014 йилдан бери "Тоттенхэм"да ўйнаб келмоқда. Жорий мавсумда ҳимоячи “шпорлар” сафида барча турнирларда тўртта ўйинда майдонга тушди.

Футболчининг Лондон клуби билан шартномаси 2024 йилнинг июнь ойи охиригача амал қилади. Transfermarkt порталига кўра футболчининг тахминий нархи 12 миллион еврони ташкил қилади.