Ҳамюртимиз Абдуқодир Хусанов ўйнаётган "Ланс" клуби марказий ҳимоячиси Кевин Данзо "Бавария"нинг трансфер рўйхатида, дея хабар беради инсайдер Фабрицио Романо.
Журналистнинг сўзларига кўра, мюнхенликлар 25 ёшли австриялик футболчини ўз сафига қўшиб олиш вариантини яна кўриб чиқмоқда, чунки марказий ҳимоячи позициясига яна бир номзод Раду Дрэгушин "Тоттенхэм"га ўтишга яқин турибди.
"Бавария" ўтган ёзда Данзога қизиққан эди, аммо кейин у "Ланс" билан шартномасини узайтирди. Transfermarkt ҳимоячини 22 миллион еврога баҳоламоқда.
Данзо жорий мавсумда 22 та ўйинда гол ура олмади.
Германияда трансфер ойнаси 1 февраль куни ёпилади.
