ФИФА Бразилия клублари ва терма жамоаларини халқаро турнирлардан четламайди, дея хабар беради Inside The Games нашри.

25 декабрь куни ФИФА Бразилия Футбол Конфедерациясига (CBF) агар у CBFнинг янги президенти сайловига аралашса, миллий терма жамоалар ва клубларни халқаро мусобақаларда иштирок этишдан четлаштириши мумкинлиги билан таҳдид қилган эди.

7 декабрь куни Рио-де-Жанейро суди ташкилот президенти Эрнальдо Родригес ва унинг барча тайинланганларини CBFга ўтган йилги сайловлардаги қонунбузарликлар сабабли лавозимидан четлатди. Бироқ, 4 январь куни Федерал Олий суд Родригесни қайта тиклашни буюрди. Шу тариқа, CBF ФИФА томонидан қўлланилиши мумкин бўлган санкциялардан қутулиб қолди.