Германия чемпионатининг 17-тур учрашувлари яқинда вафот этган Франц Беккенбауэр хотирасига бир дақиқалик сукут сақлаш билан бошланади, деб хабар беради Германия футбол лигаси (DFL).
"DFL Беккенбауэр хотирасига бир дақиқалик сукут сақлашни ва Бундеслиганинг 17-тури (12 дан 14 январгача) ўйинлари учун мотам либосларини кийишни режалаштирмоқда", - дейилади лига хабарида.
Беккенбауэр 8 январь, душанба куни 78 ёшида вафот этди. Германия терма жамоаси таркибида жаҳон чемпиони (1974) ва Европа чемпиони (1972) бўлди. Ҳимоячи икки марта “Олтин тўп”ни ҳам қўлга киритди. Бундан ташқари, Беккенбауэр 1990 йилда Германия терма жамоаси билан бош мураббий сифатида жаҳон чемпиони бўлган.
