"Эвертон" ҳужумчиси Доминик Калверт-Льюин Англия кубоги доирасидаги "Кристал Пэлас"га қарши ўйинда тўғридан-тўғри қизил карточка олди.
"Эвертон" клуби жазони адолатсиз деб ҳисоблаб, апелляция берди. FA ливерпулликларнинг далилларини қабул қилди ва уч ўйинга дисквалификация бекор қилинди. Бу ҳақда "Эвертон" матбуот хизмати хабар берди.
Шу тариқа Калверт-Льюин "Эвертон" сафида "Астон Вилла"га қарши навбатдаги АПЛ ўйинида майдонга тушиши мумкин бўлади. Жамоалар 14 январь, якшанба куни майдонга тушади. "Эвертон" айни дамда Англия чемпионати турнир жадвалида 17-ўринни эгаллаб турибди.