"Бавария"нинг фикрича, чап қанот ҳимоячиси Альфонсо Дэвис яқин келажакда "Реал"га ўтиши мумкин.
Канадалик футболчи "Қироллик клуби"нинг келаётган ёздаги асосий трансфер мақсадларидан бири ҳисобланади. Дэвиснинг "Бавария" билан шартномаси 2025 йилнинг ўрталарига қадар амал қилади, шунинг учун у жорий мавсум тугаганидан кейин арзонлаштирилган нархда сотувга чиқарилади. Журналист Максимилиан Кохнинг фикрича, мюнхенликлар клуби бу йил 23 ёшли футболчининг "Реал"га ўтишини жуда катта эҳтимолли сценарий деб ҳисобламоқда.
Transfermarkt портали маълумотларига кўра, Альфонсо Дэвиснинг нархи 70 миллион еврони ташкил қилади.