"Ливерпуль" бош мураббийи Юрген Клопп немис футболи афсонаси Франц Беккенбауэрнинг вафоти ҳақидаги қайғули хабарга изоҳ берди. Германия терма жамоаси ва “Бавария”нинг собиқ ҳимоячиси 8 январь, душанба куни 78 ёшида вафот этди.

“Бу жуда ачинарли кун эди. Беккенбауэрнинг оила аъзолари ва яқинларига ҳамдардлик билдираман. Франц менинг ҳаётимнинг муҳим қисми эди. У фантастик инсон ва Германия тарихидаги энг яхши футболчи эди", - дея мутахассис сўзларини келтирмоқда Англия топ-клуби матбуот хизмати.

Беккенбауэр Германия терма жамоаси таркибида жаҳон ва Европа чемпионига айланган. У икки марта “Олтин тўп”ни қўлга киритди.