Лондоннинг “Тоттенхэм” клуби бош мураббийи Анге Постекоглу марказий ҳимоячи Раду Дрэгушиннинг Италиянинг “Женоа” клубидан трансферида жуда муҳим роль ўйнади. Журналист Том Оллнатт берган маълумотларга кўра, австралиялик мутахассис билан суҳбатдан сўнг, 21 ёшли руминиялик футболчи "Бавария" варианти мавжудлигига қарамай, "Тоттенхэм"га ўтишга қарор қилган.
Эслатиб ўтамиз, Дрэгушиннинг трансфери Лондон клубига 30 миллион еврога тушади. Бу сумманинг 20 фоизини руминияликнинг собиқ клуби Туриннинг “Ювентус” клуби олади. Радунинг трансфери учун "шпорлар" ўз ҳимоячиси Жед Спенсни ҳам мавсум охиригача "Женоа"га ижарага беришга рози бўлди.