«Боруссия» Мёнхенгладбах ва Германия терма жамоаси ярим ҳимоячиси Флориан Нойхаус жорий трансфер ойнасида клубини ўзгартириши мумкин.
Бу ҳақда журналист Флориан Плеттенберг Х ижтимоий тармоғида (собиқ Твиттер) хабар берди.
Манбага кўра, 26 ёшли футболчи клубдаги ўрнидан норози, «Боруссия» раҳбарияти эса у билан хайрлашишга тайёр.
Нойхаусга «Севиля» ва «Лацио» даъвогарлик қилмоқда. Иккала клуб ҳам футболчини сотиб олиш вариантини ўз ичига олган ҳолда ижарага олиш вариантини кўриб чиқмоқда.
Нойхаус 2017 йилдан бери Мёнхенгладбах жамоасида ўйнаб келмоқда. Жорий мавсумда ярим ҳимоячи барча турнирларда 16 та ўйин ўтказиб, 3 та гол урди ва 2 та голли узатмани амалга оширди.