«Borussiya» Myonxengladbax va Germaniya terma jamoasi yarim himoyachisi Florian Noyxaus joriy transfer oynasida klubini o‘zgartirishi mumkin.

Bu haqda jurnalist Florian Plettenberg X ijtimoiy tarmog‘ida (sobiq Tvitter) xabar berdi.

Manbaga ko‘ra, 26 yoshli futbolchi klubdagi o‘rnidan norozi, «Borussiya» rahbariyati esa u bilan xayrlashishga tayyor.

Noyxausga «Sevilya» va «Lasio» da’vogarlik qilmoqda. Ikkala klub ham futbolchini sotib olish variantini o‘z ichiga olgan holda ijaraga olish variantini ko‘rib chiqmoqda.

Noyxaus 2017 yildan beri Myonxengladbax jamoasida o‘ynab kelmoqda. Joriy mavsumda yarim himoyachi barcha turnirlarda 16 ta o‘yin o‘tkazib, 3 ta gol urdi va 2 ta golli uzatmani amalga oshirdi.