"ПСЖ" президенти Носир ал-Хелайфи ярим ҳимоячи Уоррен Заир-Эмерини клубда кўп йиллар ўтказишга ва парижликлар учун ўзига хос Стивен Жеррардга айланиши мумкинлигини айтди. Эътиборлиси Жеррард деярли бутун фаолиятини "Ливерпул"да ўтказган. Фақатгина футболчи фаолиятининг сўнгги йилларини МЛСда ўтказди.
"Заир-Эмери парижлик. У клубимизни яхши кўради ва бу ерда узоқ вақт қолишни истайди. Заир-Эмери "ПСЖ"нинг Стивен Жеррардига айланиши керак. У бутун ҳаётини шу ерда ўтказиши керак. У бу клубни, бу рамзни яхши кўради. Футболчи ва шахс сифатида унга ҳеч қандай шубҳамиз йўқ", - дейди Ал-Хелайфи Le Parisien нашрига берган интервьюсида.
17 ёшли Заир-Эмери жорий мавсумда 20 та ўйинда майдонга тушиб, 3 та гол урди ва жамоадошлари учун 5 та голли узатмани амалга оширди.
