"Лацио" жамоасининг бразилиялик фахрийси Фелипе Aндерсон "дерби" у учун нимани англатишини тушунтириб берди.
Бугун тунда Италия кубоги чорак финалида “Лацио” ҳамшаҳри “Рома”ни қабул қилади:
"Дерби бошидан охиригача ўзгача ўйин. Бундай ўйинлар ҳар бир футболчига ёқади, биз ҳам уларга ўрганиб қолганмиз.
Бу ўйинлар асабийлик ва кескинликка тўла. Ғалабага юрак билан эришилади", - дея Aндерсоннинг сўзларини келтиради Италиянинг ItaSportPress ахборот агентлиги.
"Лацио" ўз тарихида етти марта, 21-асрда беш марта, охирги марта 2019 йилда Италия кубогини қўлга киритган.