«Ланс» ярим ҳимоячиси Факундо Медина Италия А Сериянинг топ-клубларидан бирига ўтиши мумкин. Бу ҳақда Х ижтимоий тармоғида (собиқ Twitter) журналист Себастьян Денис хабар бермоқда.
Манбанинг хабарига кўра, аргентиналик ярим ҳимоячи хизматларига «Ювентус», «Интер» ва «Милан» жиддий қизиқиш билдирмоқда. 24 ёшли футболчига Англия Премер-лигаси клубларидан бири ҳам даъвогарлик қилмоқда. Қайд этилишича, айни дамда «Ланс» ўз футболчисини сотишдан манфаатдор эмас.
Медина 2020 йилдан бери француз жамоасида ўйнамоқда. Жорий мавсумда ярим ҳимоячи барча турнирларда 22 та ўйин ўтказиб, битта гол ва битта голли узатмага муаллифлик қилган.