«Lans» yarim himoyachisi Fakundo Medina Italiya A Seriyaning top-klublaridan biriga o‘tishi mumkin. Bu haqda X ijtimoiy tarmog‘ida (sobiq Twitter) jurnalist Sebastyan Denis xabar bermoqda.
Manbaning xabariga ko‘ra, argentinalik yarim himoyachi xizmatlariga «Yuventus», «Inter» va «Milan» jiddiy qiziqish bildirmoqda. 24 yoshli futbolchiga Angliya Premer-ligasi klublaridan biri ham da’vogarlik qilmoqda. Qayd etilishicha, ayni damda «Lans» o‘z futbolchisini sotishdan manfaatdor emas.
Medina 2020 yildan beri fransuz jamoasida o‘ynamoqda. Joriy mavsumda yarim himoyachi barcha turnirlarda 22 ta o‘yin o‘tkazib, bitta gol va bitta golli uzatmaga mualliflik qilgan.