"Рома" бош мураббийи Жозе Моуриньо Италия кубоги чорак финалида "Лацио"га қарши ўйиндан сўнг ўз фикрлари билан ўртоқлашди.
"Мағлубият ҳар доим алам қилади, айниқса дербида. Бизда катта қийинчиликлар бор ва биз доимо уларни енгишга ҳаракат қиламиз.
Бугун биз замонавий футбол ҳақиқати туфайли ютқаздик. Ҳакам воқеадан уч метр нарида турганди ва пенальтини бермади, аммо ҳаммасини кўриб турганди. Одатда Орсато ўйнашга рухсат беради. Аммо ВАР туфайли, энди кимдир компьютерда ўтиради ва энг кичик алоқа туфайли фол қилишга қарор қилади. 20 йил аввал футболчилар ҳозиргидек йиқилмасди", - деди Моуриньо.
"Рома" эса 0:1 ҳисобида имкониятни бой берди. Ягона гол пенальтини аниқ амалга ошира олган Маттиа Заккани томонидан киритилди.
