21-30 январь кунлари Тошкентда мавсум олди йиғинини ташкил этган «Динамо» жамоаси Самарқандга қайтиб келди.

Пойтахтдаги ушбу йиғин доирасида қатор назорат учрашувлари ташкил этилиб, унда бир нечта футболчилар кўрикдан ўтказилди. Жумладан, жамоамиз «Пахтакор-2», «Металлург», «Олмалиқ», «Оқжетпес», «Бухоро» клублари билан назорат ўйинларини ўтказиб, учрашувларда бир ғалаба, икки дуранг ва икки маротаба мағлубиятга учради.

Кўрикдан ўтган футболчиларнинг қай бири клуб билан шартнома имзолаши февраль ойи бошида Тошкентдаги иккинчи йиғиндан сўнг маълум бўлади.